Við veitum ráðgjöf um þau lög og reglur sem gilda um auðlindir, orku og umhverfismál en við höfum meðal annars veitt ráðgjöf og annast hagsmunagæslu vegna vatnsorkuvera, vindorkugarða og fiskeldiskvía. Dagmar Sigurðardóttir, Kristinn Bjarnason, Magnús Baldursson, Marteinn Másson, Pétur Örn Sverrisson og Sveinbjörg Birna Sveinbjörnsdóttir hafa öll sérþekkingu á þessu sviði.
Við veitum sveitarfélögum ráðgjöf um lög og reglur á málefnasviði þeirra, þar á meðal reglur um opinber innkaup, ríkisaðstoð, umhverfismál, skipulags- og byggingarmál, lóðarleigusamninga, félagsþjónustu o.fl. Dagmar Sigurðardóttir, Gizur Bergsteinsson, Kristinn Bjarnason, Magnús Baldursson og Sveinbjörg Birna Sveinbjörnsdóttir hafa öll sérþekkingu á þessu sviði.
Við gætum hagsmuna umbjóðenda okkar við eignarnám og landskipti og þegar ágreiningur er um landamerki. Dagmar Sigurðardóttir, Gizur Bergsteinsson, Guðmundur Óli Björgvinsson, Kristinn Bjarnason, Magnús Baldursson, Marteinn Másson og Pétur Örn Sverrisson hafa sérþekkingu á þessu sviði.
Við veitum umbjóðendum okkar ráðgjöf um þær reglur sem gilda samkvæmt EES-samningnum og skuldbindingar íslenska ríkisins samkvæmt honum. Dagmar Sigurðardóttir, Gizur Bergsteinsson, Magnús Baldursson og Pétur Örn Sverrisson hafa öll sérþekkingu á þessu sviði.
Við veitum ráðgjöf við kaup og sölu fasteigna og fjármögnun í tengslum við slík viðskipti. Við tökum að okkur hagsmunagæslu og veitum ráðgjöf vegna ætlaðra galla á fasteign og um réttarstöðu fasteignareiganda gagnvart nágrönnum og í fjöleignarhúsum. Við veitum jafnframt ráðgjöf um réttarstöðu eigenda að óskiptri sameign. Við veitum enn fremur ráðgjöf við gerð leigusamninga um íbúðar- og atvinnuhúsnæði. Dagmar Sigurðardóttir, Elva Ósk Wiium, Guðbjarni Eggertsson, Guðmundur Óli Björgvinsson, Marteinn Másson, Ólafur Kjartansson, Pétur Örn Sverrisson og Sveinbjörg Birna Sveinbjörnsdóttir hafa öll sérþekkingu á þessu sviði.
Við veitum ráðgjöf um málefni hlutafélaga og einkahlutafélaga, svo sem um hækkun og lækkun hlutafjár, auk þess sem lögmenn okkar taka að sér fundarstjórn á hluthafafundum. Við veitum jafnframt ráðgjöf um sameignarfélög og samlagsfélög og þær ólíku reglur sem gilda um einstök félagaform. Elva Ósk Wiium, Gizur Bergsteinsson, Guðmundur Óli Björgvinsson, Kristinn Bjarnason, Marteinn Másson, Pétur Örn Sverrisson og Sveinbjörg Birna Sveinbjörnsdóttir hafa öll sérþekkingu á þessu sviði.
Við veitum fjármálafyrirtækjum, verðbréfasjóðum og vátryggingafélögum ráðgjöf um þau lög og reglur sem gilda um starfsemi þeirra. Gizur Bergsteinsson, Guðmundur Óli Björgvinsson, Kristinn Bjarnason og Pétur Örn Sverrisson hafa allir sérþekkingu á þessu sviði.
Við veitum lántökum og lánveitendum ráðgjöf í tengslum við gerð lánasamninga, útgáfu skuldabréfa og annarra skuldaskjala. Gizur Bergsteinsson, Guðmundur Óli Björgvinsson, Kristinn Bjarnason, Pétur Örn Sverrisson og Sveinbjörg Birna Sveinbjörnsdóttir hafa öll sérþekkingu á þessu sviði.
Við önnumst gerð kaupmála og erfðaskráa og veitum ráðgjöf í tengslum við áhrif ráðstafana á skattgreiðslur. Við gætum hagsmuna hjóna og sambúðarfólks við skilnað eða sambúðarslit, hvort heldur um er að ræða ágreining um fjárskipti eða forsjá barna. Við tökum jafnframt að okkur skiptastjórn við opinber skipti til fjárslita milli hjóna eða sambúðarfólks sem og skiptastjórn dánarbúa. Þá önnumst við hagsmunagæslu í barnaverndarmálum. Elva Ósk Wiium, Guðbjarni Eggertsson, Magnús Baldursson, Marteinn Másson, Ólafur Kjartansson og Sveinbjörg Birna Sveinbjörnsdóttir hafa öll sérþekkingu á þessum sviðum.
Við veitum ráðgjöf á sviði höfunda- og hugverkaréttar. Magnús Baldursson og Marteinn Másson hafa sérþekkingu á þessu sviði.
Við aðstoðum viðskiptavini okkar við innheimtu vanskilakrafna hér á landi sem erlendis. Marteinn Másson og Ólafur Kjartansson hafa víðtæka reynslu af innheimtu vanskilakrafna.
Við veitum lífeyrissjóðum ráðgjöf um þau lög og reglur sem gilda um starfsemi þeirra. Guðbjarni Eggertsson, Guðmundur Óli Björgvinsson og Sveinbjörg Birna Sveinbjörnsdóttir hafa sérþekkingu á þessu sviði.
Lögmenn okkar hafa samanlagt flutt hátt í tvö þúsund mál fyrir íslenskum dómstólum. Við gætum hagsmuna umbjóðenda okkar fyrir héraðsdómstólunum, Landsrétti, Hæstarétti Íslands og þegar leitað er ráðgefandi álits EFTA-dómstólsins. Við gætum jafnframt hagsmuna umbjóðenda okkar fyrir sjálfstæðum úrskurðarnefndum og þegar samið hefur verið um að leggja ágreining í gerðardóm.
Við veitum ráðgjöf á sviði opinbers starfsmannaréttar, þar á meðal við ráðningu, áminningu og uppsögn opinberra starfsmanna. Þá veitum við rágjöf við gerð starfslokasamninga. Dagmar Sigurðardóttir, Gizur Bergsteinsson og Kristinn Bjarnason hafa öll sérþekkingu á þessu sviði.
Við höfum sérþekkingu á ákvæðum samkeppnislaga um ólögmætt samráð, misnotkun á markaðsráðandi stöðu og samruna fyrirtækja. Gizur Bergsteinsson, Guðmundur Óli Björgvinsson og Kristinn Bjarnason hafa allir gætt hagsmuna Samkeppniseftirlitsins, ýmist fyrir áfrýjunarnefnd samkeppnismála og/eða dómstólum.
Við veitum ráðgjöf í tengslum við kaup og sölu fyrirtækja, þar með talið áreiðanleikakannanir og gerð samrunatilkynninga. Guðmundur Óli Björgvinsson, Pétur Örn Sverrisson og Sveinbjörg Birna Sveinbjörnsdóttir hafa öll sérþekkingu á þessu sviðI.
Við önnumst hagsmunagæslu fyrir þá sem hafa orðið fyrir skaðabótaskyldu tjóni. Jafnframt veitum við tryggingafélögum og endurtryggjendum ráðgjöf um réttarstöðu þeirra. Guðbjarni Eggertsson, Guðmundur Óli Björgvinsson, Magnús Baldursson, Marteinn Másson og Pétur Örn Sverrisson hafa sérþekkingu á þessum sviðum.
Við veitum viðskiptavinum okkar ráðgjöf um áhrif ráðstafana þeirra á skattgreiðslur, aðstoðum þá við að leita bindandi álits skattyfirvalda og gætum hagsmuna þeirra í samskiptum við skattyfirvöld. Elva Ósk Wiium, Gizur Bergsteinsson og Sveinbjörg Birna Sveinbjörnsdóttir hafa öll sérþekkingu á þessu sviði. Áður en þau gengu til liðs við LAGASTOÐ starfaði Elva Ósk hjá endurskoðunarfyrirtækinu Ernst og Young og Sveinbjörg Birna hjá endurskoðunarfyrirtækjunum Deloitte og síðar Ernst & Young. Gizur starfaði um þriggja ára skeið hjá yfirskattanefnd en honum hefur í nokkur skipti verið falið að gæta hagsmuna íslenska ríkisins í málum þar sem deilt er um skattgreiðslur einstaklinga og fyrirtækja.
Við tökum að okkur skiptastjórn í þrotabúum og aðstoðum fyrirtæki sem þurfa að óska eftir greiðslustöðvun eða leita nauðasamninga. Jafnframt önnumst við ráðgjöf við lánveitendur í tengslum við endurskipulagningu á fjárhag fyrirtækja. Kristinn Bjarnason, Gizur Bergsteinsson, Guðmundur Óli Björgvinsson, Pétur Örn Sverrisson og Sveinbjörg Birna Sveinbjörnsdóttir hafa öll sérþekkingu á þessu sviði.
Við veitum viðskiptavinum okkar ráðgjöf um ákvæði stjórnarskrárinnar, þar með talið um mannréttindi, og tökum að okkur að semja kvartanir til Mannréttindadómstóls Evrópu vegna brota á ákvæðum Mannréttindasáttmála Evrópu. Dagmar Sigurðardóttir, Gizur Bergsteinsson, Guðmundur Óli Björgvinsson, Ólafur Kjartansson og Kristinn Bjarnason hafa öll sérþekkingu á þessu sviði.
Við veitum viðskiptavinum okkar ráðgjöf þegar kemur að opinberum innkaupum. Dagmar Sigurðardóttir, Gizur Bergsteinsson, Guðmundur Óli Björgvinsson og Magnús Baldursson hafa öll sérþekkingu á þessu sviði.
Við önnumst hvort tveggja vörn fyrir ákærðu og réttargæslu fyrir brotaþola í sakamálum. Þau Guðbjarni Eggertsson, Guðmundur Óli Björgvinsson, Magnús Baldursson, Marteinn Másson, Pétur Örn Sverrisson, Sveinbjörg Birna Sveinbjörnsdóttir og Sölvi Davíðsson hafa sérþekkingu á þessu sviði.
Við aðstoðum viðskiptavini okkar við gerð verksamninga og úrlausn ágreiningsmála í tengslum við uppgjör þeirra. Þeir Guðmundur Óli Björgvinsson, Kristinn Bjarnason, Magnús Baldursson, Marteinn Másson og Ólafur Kjartansson hafa allir sérþekkingu á þessu sviði.
Við veitum launþegum, atvinnurekendum og stéttarfélögum ráðgjöf um vinnulöggjöf og túlkun ráðningarsamninga og kjarasamninga. Við önnumst jafnframt gerð ráðningarsamninga og veitum ráðgjöf við slit ráðningarsambands. Guðbjarni Eggertsson og Magnús Baldursson hafa sérþekkingu á þessu sviði.
