LÖGMAÐUR – EIGANDI

Dagmar hefur réttindi til að flytja mál fyrir héraðsdómstólunum. Hún lauk embættisprófi frá lagadeild Háskóla Íslands 1994 og meistaranámi í sjávarútvegsfræðum frá sömu deild 2005. Dagmar hlaut lögmannsréttindi árið 2000 og réttindi til sölu fasteigna, fyrirtækja og skipa árið 2015. Dagmar starfaði sem lögmaður Landhelgisgæslunnar 2001-13, sviðsstjóri lögfræðisviðs Ríkiskaupa 2013-20 og lögfræðingur í dómsmálaráðuneytinu 2020-21. Dagmar gekk í eigendahóp LAGASTOÐAR 2021.

Dagmar hefur meðal annars sérhæft sig í álitaefnum tengdum opinberum innkaupum, þ.e. samningsgerð og útboðum opinberra aðila á vöru-, þjónustu- og verkframkvæmdum, og gætt hagsmuna opinberra aðila hvort tveggja fyrir kærunefnd útboðsmála og dómstólum. Jafnframt kennir Dagmar á námskeiðum um opinber innkaup hjá Endurmenntun Háskóla Íslands og víðar. Dagmar veitir ráðgjöf á fjölmörgum réttarsviðum en hún hefur meðal hefur víðtæka þekkingu á opinberri stjórnsýslu, þar á meðal stjórnsýslurétti, opinberum starfsmannarétti og löggjöf um persónuvernd. Þá hefur hún komið að samningu fjölmargra lagafrumvarpa og reglugerða og átt sæti í nefndum á vegum hins opinbera.

MÁLFLUTNINGSRÉTTINDI

• Héraðsdómstólar (2000)

STARFSFERILL

• Lögmaður, LAGASTOÐ, 2021-
• Lögfræðingur, Dómsmálaráðuneytið, 2020-21
• Sviðsstjóri lögfræðisviðs, Ríkiskaup, 2013-20
• Yfirlögfræðingur, Landhelgisgæsla Íslands, 2001-13
• Lögmaður, Lög og réttur ehf., 1999-2001
• Innheimtustjóri og sýslumannsfulltrúi, Sýslumaðurinn í Keflavík, 1995-96

MENNTUN

• Diplómapróf frá Rhodes Academy of Oceans Law and Policy, 2019
• Meistarapróf í sjávarútvegsfræðum frá lagadeild Háskóla Íslands, 2005
• Embættispróf frá lagadeild Háskóla Íslands, 1994
• Stúdentspróf frá Menntaskólanum á Laugarvatni, 1986

KENNSLA

• Kennsla á námskeiðum um opinber innkaup á vegum Endurmenntunarstofnunar Háskóla Íslands, Stofnunar stjórnsýslufræða og Lögmannafélags Íslands, 2015-22
• Leiðbeinandi við meistararitgerð við lagadeild Háskólans í Reykjavík, 2008

TUNGUMÁL

• Enska
• Þýska
• Franska
• Norðurlandamál