LÖGMAÐUR – VERKEFNASTJÓRI

Margrét Helga lauk meistaraprófi frá lagadeild Háskóla Íslands 2013 og hlaut réttindi til að flytja mál fyrir héraðsdómstólum sama ár. Að námi loknu starfaði hún sem lögmaður hjá LAGASTOÐ fram á árið 2016 en starfaði í framhaldi af því sem aðstoðarmaður dómara á öllum dómstigum, settur héraðsdómari og síðast sem verkefnastjóri hjá dómstólasýslunni. Margrét Helga gekk að nýju til liðs við LAGASTOÐ 2023 þar sem hún starfaði sem lögmaður og verkefnastjóri. Sem stendur er Margrét Helga í leyfi frá störfum á meðan hún er settur héraðsdómari við Héraðsdóm Reykjaness.

Margrét Helga veitir rágjöf á fjölmörgum réttarsviðum og sinnir almennri lögmannsþjónustu og hagsmunagæslu í þágu einstaklinga og fyrirtækja, en hún hefur meðal annars sérþekkingu á EES-rétti, samkeppnisrétti, stjórnsýslurétti, skipulags- og byggingarmálum og úrlausn ágreiningsmála tengdum fasteignum. Margrét Helga tekur að sér málflutning í einkamálum og verjendastörf í sakamálum, þar á meðal í skattarefsimálum.

MÁLFLUTNINGSRÉTTINDI

• Héraðsdómstólar (2013)

STARFSFERILL

• Settur héraðsdómari, Héraðsdómur Reykjaness, 2025
• Lögmaður, LAGASTOÐ, 2012-16 og 2023-25
• Verkefnastjóri, Dómstólasýslan, 2021-23
• Settur héraðsdómari, Héraðsdómur Vestfjarða, 2021
• Aðstoðarmaður hæstaréttardómara, Hæstiréttur Íslands, 2020-21
• Aðstoðarmaður landsréttardómara, Landsréttur, 2018-20
• Aðstoðarmaður héraðsdómara, Héraðsdómur Reykjaness, 2016-18
• Fulltrúi, Flugmálastjórn Íslands, 2009-12

ÖNNUR STÖRF

• Varamaður í fjölmiðlanefnd, 2023-
• Ritari kærunefndar útboðsmála, 2023-

MENNTUN

• Meistarapróf frá lagadeild Háskóla Íslands, 2013
• Skiptinám við Kaupmannahafnarháskóla, 2012
• BA-próf frá lagadeild Háskóla Íslands, 2010
• Stúdentspróf frá Flensborgarskóla, 2007

KENNSLA OG RITSTÖRF

• Kennsla á námskeiðinu „Hlutverk dómara og lögmanna við meðferð einka- og sakamála“ við lagadeild Háskóla Íslands, 2023-
• Kennsla í einkamálaréttarfari við lagadeild Háskóla Íslands, 2015 og 2023-
• „Útivistardómar samkvæmt 161. gr. laga nr. 88/2008 um meðferð sakamála í ljósi réttinda sakaðra manna“ (ásamt Oddnýju Mjöll Arnardóttur), Tímarit lögfræðinga, 3. hefti, 72. árgangur, 2022

TUNGUMÁL

• Enska
• Norðurlandamál